ZUZENBIDE-KONTABILITATE-FISKALITATE-LAN AHOLKULARITZA ZERBITZUA

Euskadiko 14/1998 Kirol Legeko 36 artikuluak honako helburu hauek dituela dio: kirolaren hobekuntza eta garapenerako oinarri komunen bilaketa, bere kirol helburuen defentsa eta betetze hobea, kirol federazioen estruktura administratibo edo laguntza teknikorako estruktura komunen ezarpena.

Helburu hau betetzeko asmoarekin, Euskal Kirol Federazioen Batasunetik doako aholkularitza zerbitzu bat martxan jartzea erabaki da, zuzenbide-kirol, zerga, lan eta kontabilitate arloei dagokienez, eta legearekin lotuta beren eskubide eta betebeharrak zeintzuk diren jakiteko aholkularitza jaso nahi duten Batasuneko kide diren federazio guztien probetxurako.

Euskal Kirol Federazioen Batasunaren aholkularitza zerbitzu honek aurkezten zaizkion zalantzei era egoki batean aurre egiteko profesional taldea dauka. Euskal Kirol Federazioen Batasunetik ahalik eta erosotasun gehiena aurkezten duen aholkularitza zerbitzua eskaintzen saiatu gara, informazio teknologia berriek ematen dizkiguten abantaila guztiak aprobetxatuz, eta honetarako edozein une eta tokitan galderak egitea ahalbidetzen duen sistema pentsatu da.

Aipatutako euskal kirol federazioek programa honen bitartez egin ditzaketen galderak euskal kirol federazioei dagozkien zuzenbide-kirol, zerga, lan eta kontabilitate arloei dagozkien funtzio, eskubide eta betebeharrei buruzkoak izan daitezke. Alderantziz, doako aholkularitza programa hau, bokazio praktikoarekin jaiotzen dena, ez dago pentsatuta gai historiko edo estatistikoei buruzko galderak erantzuteko, ezta epaileen eta tribunalen auzipean dauden gaiei buruz kirol elkarteei aholkularitza eskaintzeko.

Era berean, jakin arazi beharra dago, beraz, aholkularitza zerbitzu honek ez duela dokumentuen idazketa edo epaiketa kontuetan edota gatazka konkretuetan sartzea barneratzen. Zerbitzu honek ere ez du dokumentuen estudioa barneratzen.

Nahiz eta doako aholkularitza zerbitzu hau Batasuneko kide diren euskal kirol federazioei soilik zuzendua izan arren, esan beharra dago Euskal Kirol Federazioen Batasuna prest dagoela beste edozein kirol elkarteri aholkularitza eskaintzeko, baina kasu honetan zerbitzua ez da doakoa izango.

Erantsitako formularioaren bitartez kontsulta egin eta gero, erantzuna bide beretik helduko zaio euskal kirol federazioari. Egoera berezia ez balitz, erantzunak hiru lan egunetako gehienezko epean bidaliko dira. Zerbitzu hau beti egongo da irekita, Batasunetik komunikatutako oporraldi egunetan izan ezik.

Informazio tresna berri hau euskal kirol federazioei erabilgarria izango zaiela espero dugu eta, beraz, zuen eskura gaude.

Kontaktatu Gurekin