BULEGORAKO, INFORMATIKAKO, KIROLERAKO ETA BESTELAKO MATERIALA ATXIKITAKO FEDERAZIOEN ETA HAUETAN FEDERATUTA DAUDENENTZAKOA

EKFBk atxikitako federazio ezberdinei edozein erakunderen eguneroko funtzionamendurako beharrezkoak diren erosketa horiek egiteko unean ere talde bezala egiteko posibilitatea proposatzen die. Kudeaketa egunez egun hobetzeko asmoz, EKFB Tonkinex S.L. enpresarekin merkataritza akordio batetara heldu da informatikako, bulegoko eta kiroletarako materiala federazioei salneurri onetan komuneko erosketak egitea erraztuko dielarik.

Erosketa operazioak bereziki gure federazioei zerbitzua eskaintzeko diseinatua izan den sistema informatiko baten bidez egingo dira. Prozedura hau Forum 21 sisteman datza(www.forum21.net), Interneten 1998tik martxan diharduelarik, eta sistema honetara gaur egun 1.800 enpresa hornitzaile atxikita dituelarik.

EKFBren Web orrialdetik barne dagoen edozein kirol federazio eta federatu Web zerbitzu esklusibo honetara heldu ahal izango da honekin honako hauek egin ahal izango direlarik:

        1. Komuneko erosketa proiektuari buruzko informazioa jaso.
        2. Bulegorako material, informatikako material edota kirolerako             materialetako produktu bat aukeratu eta bere salneurria,             hornitzailearen datuak, eskaera egiteko erak (telefonoa, fax,             e-mail eta Internet) ikusi eta azkenik ordainketa erak eta             zerbitzuaren baldintzak kontsultatu.
        3. Guztioi salneurriak eta zerbitzu bera hobetzen lagunduko diguten             inkestei erantzun.

Era honetan, federaziook hornitzaile berari erosketak egiteak dakartzan abantaila ekonomikoez eta bestelako abantailez gozatu ahal duzue. Argi denez, erosketak taldeka egitean azken gastuak jaitsi egiten dira, nahiz garraioaren ondorioz sortutakoak, edota erosiko diren produktuekin zuzenki erlazionatuta dauden gastuak.

Gainera, nahi duenak web honetan Komuneko Erosketa proiektuari buruzko informazioa jaso, zerbitzua hobetzera zuzendutako inkestak bete, eta bere ezaugarriak zuzenean zeintzuk diren jakin ahal izango du.

Azken finean, Euskal Kirol Federazioen Batasunak komuneko erosketa sistema oso bat eskura izango du. Sistema honek, zalantzarik gabe, atxikitako federazioen eta hauetan federatuta daudenen arlo honetan egindako gestioak erraztuko ditu.

Zerbitzura sartu