Unión de Federaciones Deportivas Vascas

Urriaren 24an, igandean, Euskal Kirol Egunaren lehen edizioa izango da Bilbon. Kirol gertaera garrantzitsu hau Euskal Kirol Federazioen Batasunak antolatzen du jardunaldi girotsua, parte-hartzailea eta kirol-jardunaldia sustatzeko helburuarekin, baina baita euskal kirola aintzatesteko helburuarekin ere.

Jardunaldi hau Zorrotzaurre eta Botika Zaharreko inguruan egingo da, azken honetan jarduera gehienak izango direlarik.

Ordutegia izango da 10.00etatik 15.00retara.

Egitaraua. ikusi»

Euskal Kirol Egunak euskal kirol ezberdinen ezaguera eta hasiera sustatu nahi du, baita Euskal Federazio ezberdinen eta Euskal Kirol Federazioen Batasunaren inguruan Euskal Kirolaren ordezkatzea sendotzea ere, Euskal Kirol Federazio ezberdinen arteko harremanak indartuz.

Euskal Kirol Egunaren beste helburuetako bat da Euskal Selekzioentzat ordezkaritza ofizial baten aldarrikapena sendotzea, bere modalitate ezberdinetan nazioarteko mailan.

Euskal Kirol Egunean aurreikusitako kirol jarduera guztiek, hogeita hamar modalitate ingururekin, izaera parte hartzailea izango dute, eta jaiegun baina aktiboa ere den egun honetan gozatu nahi duen edonork har dezake parte. Bertan, monitoreak zein jarduneko kirolariak egongo dira.

Bilbon egiten diren kirol jarduera ugarien artean nabarmentzen dira: arraunketa (estropadak kategorien arabera), bela (ontziak Abratik Euskaldunara igoko dira), piragüismoa (Abusutik Euskaldunarako jaitsiera), igeriketa (waterpoloa, eta zeharkaldia igeriz), surfa eta arrantza eskola; baita atletismoko herri lasterketak, txirrindularitza eta patinajea Itsasadarreko ertzetatik. Euskal Kirol Egun honetan parte hartzen dutenek erakusketa probez ere gozatu ahal izango dute, hala nola, pilota, halterofilia, eskrima, arku-tiroa, boleibola, herri kirolak, badminton, beisbol, golf, taekwondo, gimnasia, mendizaletasuna eta kirol egokitua.

Jardunaldi honetan saskibaloi txapelketak, mahai-tenisa, eskalada-murrua, jardueren tailerrak, xake partidak, lehiaketak eta haurrentzako jolasak ere izango ditugu.

Gainera, eta bere izaera aldarrikatzailearen barnean, 14.00etan, Zorrotzaurreko zabaldegian, Euskal Selekzioen ofizialtasunaren aldeko kontzentrazioa egingo da, bertan kirolariak, politikariak, eta federazioen arduradunak izango direlarik. Ordurako, Bilbo kaleak kirolariez beteko dituzten hainbat herri lasterketak eginak izango dira, erreferentzia bihurtu nahi den jardunaldi batean. Nahi duenak har dezake parte herri lasterketan: txirrindularitza (10etan), patinajea (11etan) eta atletismoa (11:45ean) 6 kilometroko zirkuitu batean: Botika Zaharra biribilgunea- Euskalduna Zubia- Kale Nagusia- Plaza Biribila- Buenos Aires- Acebal Idígoras- Uribitarte Pasealekua- Abandoibarra- Txurruka kaia eta Brunet- Abandoibarra- Euskalduna Jauregia- Euskalduna Zubiko pasagunea - Botika Zaharreko parkea, eta helmuga Erribera Botika Zaharrean.

Gertaeraren helburu ludikoa kontuan hartuz, jardunaldia fanfarreek girotuko dute, eta barrutian haurrentzako puzgarriak, produktu tradizionalak dastatzeko txozna bat, eta baita arropa eta Euskal Kirol Federazioen Batasuneko produktuak saltzeko denda bat ere jarriko dituzte.

Euskal Kirol Federazioen Batasuneko

Euskal Kirol Federazioen Batasuna (UFDV-EKFB) euskal kirolaren proiektu zahar bat da, iragan urtean azkenean errealitate bihurtu zena. Helburua da erakunde juridiko beraren menpean euskal kirolaren federazio guztiak elkartzea. Ekimenaren arrakastak erakusten du euskal kirolean bere beharrari buruz dagoen kontzientziazioa: euskal kirol federazioen 48etatik 42, Euskal Kirol Federazioen Batasunarekin elkartu dira, hortaz, ia 200.000 kirolarik (Euskal Autonomi Erkidegoaren biztanleriaren %8,5) bat egin dute helburu berberen alde:
- Kirol Federatua garatzea Euskal Herrian.
- Euskal selekzioak sustatzea.
- Kirol Federazioei diru-laguntzak jasotzen erraztea.
- Kirol politikak egiteko ideiak ematea.

Euskal Kirol Federazioen Batasuna (UFDV-EKFB) da gure herriko kirol federazioen erakunde ordezkatzailea. Bere helburu nagusia da euskal kirola orokorrean eta federatua bereziki garatzea.

Halaber, Euskal Kirol Federazioen Batasunak ildo ezberdinak ezartzen ditu honakoa sustatzeko:
- Kirolari gazteenak emakumezkoen lurraldeko selekzio ezberdinetan sartzea.
- Euskal federazio ezberdinen arteko lankidetza.
- Ororen mutualitate bat, zerbitzuak hobetzen eta federazioen kostuak merkatzen dituena.
- Baliabide ekonomikoak eta materialak aurreztea federazioei.
- Dopingaren aurkako borroka Kirol federatuan.

EKFBren eginkizun eta helburuen artean nabarmentzen da euskal kirol selekzioen sustapena, euskal kirolaren sustapena, defentsa eta ordezkaritza ahaztu gabe; entitate eta erakunde publiko zein pribatuekin elkarlanean aritzea, kirola garatzeko eta hobetzeko Euskadin; Euskadiko kirol-politika hobetzeko egindako ekimenen eta ekarpenen proposatzea; eta azkenik, euskal kirol federazioentzat ororen zerbitzuak sortzeko dagoen asmo tinkoa.